Layihə haqqında

Layihənin izahı

Bazar iqtisadiyyatına doğru irəliləyən, demokratik və proqressiv bir dövlət olan Azərbaycan üçün, informasiya və biliklərə sərbəst çıxış, çox mühüm və zəruri amillərdən biridir. Azərbaycanda dövlət tərəfindən maliyyələşmənin və kitabxana infrastrukturunun zəifliyi, informasiya resurslarına sərbəst çıxışı təmin etməyə mane olur. Bu sözləri ali təhsil ocaqlarının kitabxanaları haqqında da demək olar. Kitabxanalar institutların infrastrukturlarının vacib hissələrindən biridir və onlar müxtəlif mövzularda olan informasiyaların mənbəyi hesab edilir.
Mövcud problemləri aradan qaldırmaq və kitabxanaların təhsil prosesində rolunu artırmaq məqsədilə, GN İnformasiya Texnologiyaları təşkilatı tərəfindən “Elektron Kitabxana Şəbəkəsi” layihəsi işlənib hazırlanmış və həyata keçirilmişdir. 
Layihə, Ekson Azərbaycan Əməliyyat Şirkətinin maliyyə dəstəyi ilə həyata keçirilmişdir. Layihəyə təşkilati dəstək Azərbaycan Dövlət İqtisad Universiteti, İREX/İATP təşkilatı və Gənclər İdman və Turizm nazirliyi tərəfindən göstərilmişdir.
Layihənin əsas məqsədi, Azərbaycanın aparıcı ali təhsil ocaqlarının kitabxanalarından və eləcə də Azərbaycan müəlliflərinin müxtəlif mövzularda və dillərdə olan kitablarından sərbəst istifadə üçün şərait yaratmaqdır.

Potensial istifadəçilər

Bütün təhsil almaq istəyən, tədqiqat aparan, öz biliklərinin artırılmasında maraqlı olan, o cümlədən tələbə, gənc alimlər, müxtəlif sahələr üzrə mütəxəssislər, professor və müəllimlər, müxtəlif şirkətlərin işçiləri və digəriləri, istənilən vaxtda və istənilən yerdə http://www.kitab.az saytının resurslarından istifadə edə bilərlər. 
Eyni zamanda saytın imkanlarından kitab, monoqrafiya, elmi tədqiqat işləri müəllifləri və digər şəxslər də istifadə edə bilərlər. Onlara öz kitablarını elektron formada yerləşdirmək imkanı verilir. Kitabları saytda yerləşdirmək üçün, saytin Adminstratoruna müraciət edə bilərlər. Adminstratorla əlaqə yaratmaq üçün saytda göstərilmiş əlaqələrdən istifadə etmək olar. 

Minnətdarlıq

GN Təşkilatının kollektivi, layihənin həyata keçirilməsində əməyi olan bütün şəxslərə, dərin minnətdarlığını bildirir.
O cümlədən, xüsusilə Ekson Azərbaycan Əməliyyat şirkətinə, bu mühüm təhsil layihəsinin həyata keçirilməsində göstərdikləri köməyə görə GN İnformasiya Texnologiyalari təşkilatı adından dərin minnətdarlığımızı bildirik.
Bundan əlavə biz GN təşkilatının partnyorları olan Azərbaycan Dövlət İqtisad Universitetinə, Gənclər İdman və Turizm Nazirliyinə və IREX/IATP təşkilatına öz dərin minnətdarlığımızı bildiririk.
Ən nəhayət layihədə iştirak edən kitabxanaların rəhbərliyinə və kollektivinə, eyni zamanda bizə öz kitablarını, elmi iş və materiallarını təqdim etdiklərinə görə, müəlliflərə öz təşəkkürümüzü bildiririk.
Tam əminliklə deyə bilərik ki, www.Kitab.Az resursu gələcəkdə daha da inkişaf edərək, Azərbaycanın inkişaf etmiş demokratik bir ölkəyə çevrilməsinə xidmət edən bilik və təhsilin inkişaf mənbəyi olacaqdır.